Welcome to BAHUJANA RASHTRA SAMITHI

bcs-and-their-political-emancipation

 

  • బహుజన రాష్ట్ర సమితి 

  • బహుజనులంటే, SC, ST, BC మరియు Minority ప్రజల సముదాయము. దేశ జనాభాలో మొత్తము ప్రజల సంఖ్య 90% నకు మించియే ఉంటుంది. కానీ, స్వాతంత్రము నుండి ఇప్పటివరకు 5 నుండి 10% వుండే OC లు మాత్రమే దేశాన్ని ఏలుతున్నారు. ప్రజాస్వామ్యము అంటే అధిక సంఖ్యాకుల పరిపాలన అని అర్ధము. పొతే బహుజనులు ఎవరు, నాలుగు వర్గాల వారిని కలిపి బహుజనులెందుకు అనాలి? ప్రశ్నకు జవాబు ఏందంటే బహుజనులు మూలనివాసులు, అంటే దేశంలోనే పరిణామ క్రమము నుండి జీవిస్తున్నవాళ్ళు అని. OC లు భారత దేశానికి బతకొచ్చిన యూరేషియన్ బ్రాహ్మణులు వారి సంతతి అని ఎంతో శాస్త్రీయ పరిశీలనల అనంతరము నిర్ణయించబడింది. ఇప్పటికి బ్రాహ్మణ సంతతికి చెందిన వాళ్ళు బహుజనులనుస్థానికులుఅని భావిస్తారు, సంబోధిస్తారు. దాని అర్ధం వాడు బతకొచ్చినోడు అనే కదా!
    ఐతే, 90 లేక 95% ప్రజాసమూహము ను పాలిస్తున్న 10 లేక 5% ప్రజలు బహుజనులను ఇప్పటికీ బానిసల కన్నా ఎక్కువగా ఏమీ చూడడము లేదు. అల్పసంఖ్యాకులుగా చూపడానికి, వృత్తులవారీగా కులాలు ఏర్పరచి, కులాలవారీగా విడదీసి, అల్పసంఖ్యాకులుగా చూపెడుతూ అణచిపెడుతున్నారు, స్వాతంత్ర ఫలితాలను మనకు అందనియ్యడము లేదు. స్వాతంత్ర పూర్వకాలం లో మేధావులు మరియు సామాన్య ప్రజల చేత మహాత్ముడు అని బిరుదాంకితుడైన మహాత్మ జోతిరావ్ ఫూలే, శివాజీ మహారాజ్ వంశీయుడు రాజవంశీయుడైన ఛత్రపతి షాహు మహారాజ్ మొదలగు మహోన్నతులు బహుజనులను ఎన్నో బాధలకు గురి చేస్తున్న బ్రాహ్మణిజం సమర్థకులకు వ్యతిరేకముగా ఎన్నో పోరాటాలు, ఉద్యమాలు నడిపి సంఘ సంస్కరణలకు నాంది పలికినవాళ్లు. బహుజనులలో వుండిన అవిద్య, వెనుకబాటు తనము వారి అనైక్యతకు మూలకారణము అని తెలుసుకొని, బహుజనులను విద్యార్జన వైపు నడుపుతూ, బ్రాహ్మణిజం యొక్క సమర్థకుల అణచివేతకు వ్యతిరేకముగా ఉద్యమాలను నడిపినారు. ఇప్పటికీ బహుజనులు ఐక్యం కాకుండా చూడడానికి, మనుష్యులలో సహజంగా ఉండే స్వార్థ లక్షణాలను రెచ్చగొడుతూ, వారి ముఖాన ఇంత తాయిలాలు పడేస్తూ తాము అధికారంలో కొనసాగుతూ దేశాన్ని కొల్లగొడుతున్నారు బ్రాహ్మణిజం సమర్థకులే. స్వాతంత్రము తరువాత దేశం ప్రజాస్వామ్య ప్రభుత్వ విధానాన్ని ఆపాదించుకున్నది. ప్రభుత్వానికి రాజ్యాంగాన్ని, బాల్యమునుండి ఎన్నో వివక్షలకు గురి చేయఁబడి, స్వయంకృషితో విద్యార్జనలోనే కాకుండా మేధోపరంగా అత్యున్నత శిఖరాలకు ఎదిగిన తరువాత కూడా ఎన్నో అణచివేతలకు గురికాబడ్డ డాక్టర్ బాబాసాహెబ్ అంబేద్కర్ ఒక్క కలం పోటుతో సర్వమానవ సమానత్వాన్ని, స్త్రీలకూ స్వేచ్చని, పని ఘంటలలో మార్పును, స్త్రీ పురుషులకు సమాన జీత భత్యాలు, ఆస్తి హక్కు లాంటి మరెన్నో అధికారాలను ఇమిడ్చి ఇచ్చినారు. కానీ ఎన్నో ప్రయత్నాల తరువాత కూడా కుల దురాచారాన్ని భారత సంస్కృతీ నుండి తుడిచిపెట్టలేక, తన వర్గ ప్రజలైన SC మరియు ST లకు రాజ్యాంగ పదవులలో, విద్యా సంస్థలలో, ఉద్యోగాలలో ప్రత్యేక కేటాయింపులు సాధించి పెట్టారు. BC మరియు Minority ప్రజలు ఇప్పటికీ తమ వాటా కేటాయింపుల కోసము దిన దిన గండముగా పోరాటం చేస్తూనే వున్నారు.
    ఇలాంటి పోరాటాల ఫలితము మాత్రమే కాకుండా రాజకీయ అణచివేతకు వ్యతిరేకముగా పోరాటాన్ని, రాజకీయాధికారం సాధన దిశలో మన వంతు ప్రయత్నము చెయ్యడానికే మనదంటూ మనకొక రాజకీయ పార్టీ ఆవశ్యకతను పూర్తీ చెయ్యడానికే బహుజన రాష్ట్ర సమితి ఏర్పాటు గావించబడ్డది

  • బహుజన రాష్ట్ర సమితి వల్ల ప్రజలకు జరుగబోయే లాభాలను పరిశీలిద్దాము:

  • 1.
    రాష్ట్రములో ఒక్కరు కూడా ఆకలిదప్పికలకు గురి కాకుండా ఉండడం కోసం గ్రామగ్రామానికి ఉచిత సామూహిక భోజనశాలల ఏర్పాటు.
    2.
    భూములు లేని నిరుపేద రైతన్నలకు ప్రభుత్వ భూములలో సామూహిక వ్యవసాయము చేసుకుంటందుకు వీలు కలిగించడమే కాకుండా అవసరమైన విత్తనాలు, ఎరువులు ఉచితముగా సరఫరా చేయబడును.
    3.
    తమ భూములలో సామూహిక వ్యవసాయము చేసుకునే రైతన్నలకు వడ్డీ లేని రుణాలు అందించబడతాయి.
    4.
    కుల వృత్తులను కొనసాగించదలచుకున్న సోదరులకు వడ్డీ లేని ఋణాలు ప్రభుత్వ ఖజానా నుండి ఇవ్వబడును.
    5.
    గ్రామ, మండల, నియోజకవర్గాల్లో అవసరమైన వివిధ నిర్మాణ పనులు మొదలగునవి స్థానిక ప్రజల చేతనే చేయించడము వల్ల సంవత్సరములో 365 రోజులు పని కలిపించడానికి వీలవుతుంది.
    6.
    అభివృద్ధి చెందిన దేశాలతో ధీటుగా విద్య వైద్య వసతులను ఏర్పాటు చేసుకొని అభివృద్ధి బాటన నడుపుకుందాం. ప్రభుత్వమే విద్య వైద్యము అందరికీ అతి తక్కువలో అందుబాటులోకి తీసుకొచ్చే విధంగా శ్రమిస్తుంది.
    7.
    రవాణా సౌకర్యాలను పెంపొందించుకుందాము.
    8.
    విద్యాధికులకోసం నైపుణ్యతను పెంచుకునే విధంగా కావాల్సిన వసతులను ఏర్పాటు చేసి, ఉద్యోగ సంఖ్యా అభివృద్ధి దిశలో అవసరమైన ఏర్పాటులను చేసుకుందాం.
    9.
    అవసరాన్ని బట్టి అన్నిపనుల కోసం ప్రభుత్వ వనరులనే వినియోగించుకుందాం.
  • దీనికోసం ప్రజలు చెయ్యవలసింది: కేవలము 10 రూపాయలు సభ్యత్వ రుసుము చెల్లించి ఎన్నికల సమయములో మీ చేత ప్రతిపాదించబడ్డ మన పార్టీ అభ్యర్థికి ఓటు వేసి గెలిపించండి.
    సభ్యత్వ రుసుములో నుండి అభ్యర్థి కట్టాల్సిన డిపాజిట్ 10 వేల రూపాయల కోసం ఒక్కొక్క రూపాయి వెచ్చించబడుతుంది.
    4
    రూపాయలు మీ నియోజకవర్గ సంక్షేమ సంఘాలకు బ్యాంకు అకౌంటు లో వేయబడును.
    5
    రూపాయలు పార్టీ నిర్వహణకోసము వెచ్చించబడును
    .
    విధానము వల్ల ప్రజలకు కలిగే వసతి  ఏమంటే పని చేయని, అశ్రద్ధ చూపే శాసన సభ్యుని ప్రశ్నించే అవకాశము మీ చేతికే.
    శాసన సభ్యుడిగా ఎన్నికైన ప్రజాప్రతినిధి అవినీతికి దూరంగా ఉండాల్సిన నైతిక బాధ్యతను కాపాడుకునే అవకాశము మీ చేతికే.
    తెగించి పార్టీ ఫిరాయింపుకు పాలుపడిన సభ్యునికి రాజకీయ జీవితము సమాధి చేసే అవకాశము మీ చేతిలోనే
    .
    జై మహాత్మా జోతిరావ్ ఫూలే ! జై బాబాసాహెబ్ అంబేద్కర్ !! జై బహుజన రాష్ట్ర సమితి !!!

తెలంగాణ రాష్ట్రము లోని అన్ని నియోజకవర్గముల లోని బహుజన సోదరులకు మనవి:

అధిక సంఖ్యాకులైన మన వర్గ ప్రజలను సంఘటితము చెయ్యాల్సిన అవసరము అత్యవసరముగా మారింది. తెలంగాణ రాష్ట్రము ఏర్పడిన తరువాత కూడా అధిక సంఖ్యాకులైన బహుజనులు ఈసడించుకొనబడుతున్నారు. మన సంఖ్యాబలానికి ఉండాల్సిన ప్రాముఖ్యత లభించడము లేదు. మనలను ఎంగిలి బొక్కలకోసము ఆశపడుతూ వారి ముఖాలవంక చూసే జీవులుగానే లెఖ్ఖ కడుతున్నారు.
పోనీ పరిపాలన ఏమన్నా బాగుందా అంటే, ప్రభుత్వ ఆస్తులను యెడాపేడా దోచుకుంటున్నవాళ్లను చూసీ చూడనట్లుగా, వాళ్ళు దోచేది ప్రజల సొమ్ము కాదు అన్నట్లుగా, దోచుకోవడము దోపిడీ దొంగల హక్కు అన్నట్లుగా వుంది మన ప్రభుత్వము యొక్క ప్రవర్తన. పబ్లిసిటీ పటాటోపము, క్రియ కింనాస్తి! ప్రజల సొమ్మును పబ్లిసిటీ కోసము కోట్ల రూపాయల వ్యర్థము చేస్తున్నారు. నిజంగానే ఇది పని చేసే ప్రభుత్వమే అయితే ఇంత సొమ్ము వ్యర్థముగా ఖర్చు చేస్తూ సొంత డబ్బా లు కొట్టుకునే అవసరము వుందా? ప్రజల చెవులలో పొద్దున్న లేచినప్పటి నుండి గోరంతలు కొండంతలు చేసి ఊదరగొట్టడము దేనికి? మోసగాళ్లు మాత్రమే ఇలాంటి చర్యలకు పాలు పడతారని మనకు తెలియని విషయమా?
సోదరులారా మన వర్గ ప్రజలలోని అనైక్యతను, అజ్ఞానాన్ని చాతకాని తనంగా, బానిసల నైజముగా లెఖ్ఖపెడుతున్నారు. ఎప్పుడన్నా ఎవరన్నా మానవర్గ ప్రజల ఐక్యతకోసము కృషి మొదలుపెడితే, కులాలుగా విడదీసే ప్రయత్నాలు మొదలు పెడతారు. మనము ఒక్కటి మనసులో నాటుకోవాల్సిన అవసరము వుంది. మనల్ని విడదీయడానికి వాడు ఇచ్చే తాయిలాలు, మనమే మన సంఖ్యాబలంతో సాధించుకుంటే వాడు ఇచ్చే తాయిలాల విలువ యెంత పాటిదిగా ఉంటుందో ఒక్కసారి ఊహించుకోండి.
సోదరులారా! ఆర్ధిక ఇబ్బందులకు, అపహాస్యాలకు, వెన్నుపోటులకు, ఇతరత్రా ఎన్నో బాధలకు ఓర్చుకొని మనదంటూ ఒక రాజకీయ పార్టీ ఏర్పాటు చేసుకున్నాము. రాలిపోయే స్థితిలో ఇలాంటి పనికి చేసిన సాహసాన్ని చూసి నవ్వుకున్నారు. మహాశయులు ఫూలే, అంబేద్కర్ గార్లు సెలవిచ్చినట్లుగా నా సమాజానికి ఇది నేను చేస్తున్న సేవగా అనుకొని ఒక రాజకీయ పార్టీని ఏర్పాటు చేసిన అన్న సంతృప్తి ఉంది. కానీ దానిని సమర్థులైన యువనాయకుల చేతిలో పెట్టాలన్న అభిప్రాయముతో వెతికితే అర్హతలు ఉండీ భయపడుతూ వెనకడుగు వేస్తున్నవాళ్ళు కొందరు, ఎగేసుకొని పోవాలని చూస్తున్నవాళ్లు ఎక్కువ అయ్యిన్రు.
ఏదేమైనా సోదరులారా! 2019 లో నేను నమ్మిన సిద్ధాంతాల మీద శాసనసభ ఎన్నికలలో పాలుగొనాలంటే, వున్న 119 నియోజకవర్గాల నుండి 119 మంది బహుజన సోదరులు ముందుకు రావాలె. తమ తమ నియోజకవర్గాలలో ఇంటి ఇంటికి తిరిగి మన పార్టీ సిద్ధాంతాలను, ఐక్యంగా మన వర్గ సభ్యులను శాసన సభకు పంపించడము వల్ల మన వర్గ ప్రజల అభివృద్ధి, రాబోయే మన తరాల భవ్యమైన భవిష్యత్తు మొదలగువాటి గురించి ప్రజలకు పూస గుచ్చినట్లుగా చెప్పి మన పార్టీ గొడుగు క్రిందికి తీసుకొచ్చే ప్రయత్నము చేసి.
బహుజన యువకులారా ఈ పని చెయ్యడము ఎలాంటి సిగ్గుమాలిన పని కాదు. ఇంకెవరికో ఇలాంటి పనులు చెయ్యడము మనకు అలవాటే. ఇప్పుడింక మన వర్గముకోసము మనము కష్టపడి మనవారిని అభివృద్ధి బాటన నడుపుదాము.
ఒక్క విషయము గమనించాలి. మనము ఎన్నోరకాల వాళ్ళను ఎదురుకోవాల్సి వొస్తుంది. మనము చేసే పని మన మంచికోసమే అయినా ఎదుటివాడు మనము వాడి సొమ్ము ఏదో లాక్కునే ప్రయత్నమూ మొదలుపెడుతున్నాము అన్న భావముతో ఎన్నో రఖాలుగా అవమానిస్తాడు, ఎన్నో ఇబ్బందులు కలిగించాలని చూస్తాడు. మనము అంకిత భావముతో మనసు నొప్పించుకోకుండా మనము నిర్ణయించుకున్న దిశలో ప్రయాణము చెయ్యాలె.
సోదరులారా! దృఢచిత్తులైన భవిష్యత్ నాయకులారా!! రండి అడుగు ముందుకు వేసి మన వర్గ భవిష్యత్తు కోసం బాధ్యతలను శిరస్సుకు ఎత్తుకొండి. సంప్రదించవలసిన ఫోన్ నంబరులు: 8121171208, 8008398511. email: lingamas@gmail.com, ak16mu@gamil.com వెబ్ సైట్ brs.org.in నా చిరునామా: ప్లాట్ నంబర్. 34/2, లలితానగర్, వెస్ట్ మారేడ్పల్లి, సికిందరాబాద్. 500 026.

తెలంగాణ లోని పేద వర్గ ప్రజలకు, ఓటరు మహాశయులకు విన్నపము:
పేదవాడు ఎదగాలంటె పేదవాడి ప్రభుత్వము రావాలె.
బహుజన రాష్ట్ర సమితి పేదవాళ్ళ అభివ్రుద్ధి కోసము పేదవాళ్ళచేత ఏర్పాటు చెయ్యబడ్డ పేదవాళ్ళ పార్టీ.
కేంద్ర ఎన్నికల కమీషను, పార్టీకి తమ లెటర్ F. No. 56/215/LET/ECI/FUNC/PP/PPS-I/2016/64 Dt. 30-03-2017 ద్వారా గుర్తింపు కలిగించింది.
ఏదైనా నియోజకవర్గములో వోటరులు తలా పది రూపాయలు (పది వేల మందికి తగ్గకుండా) బహుజన రాష్ట్ర సమితి ద్వివార్షిక సభ్యత్వ రుసుము కట్టి తమ నియోజకవర్గ ప్రజాప్రతినిధిని (MLA) ప్రతిపాదించి ఎన్నికలలో పోటీ చేయడానికి అతని పేరు మీద పార్టీ టికెట్ పొందగలరు.
అక్రమ సభ్యత్వ సూచీలను నివారించడానికి మన పార్టీ ప్రతీ సభ్యులను గురించిన ఈ క్రింది వివరములను రిజిస్టరులో ఒకే లైన్ లో తప్పనిసరిగా సమర్పించవలసి ఉంటుంది.
ఓటరు పేరు-ఓటరు తండ్రి/భర్త పేరు-ఓటరు ID కార్డు నం-ఓటరు ఫోన్ నం-ఇనీషియల్స్.
మీ చేత ఎన్నుకోబడ్డ మీ ప్రతినిధికి మీ నియోజకవర్గ అభివృద్ధికి అవసరమైన వనరులన్నీ కలిపించబడును.
మీ ప్రతినిధి (MLA) ప్రాథమిక విధి, తన నియోజకవర్గములోని ప్రతీ వ్యక్తికి వారి వారి సామర్థ్యమును బట్టి పని కలిపించడము. (నిర్మాణ రంగము, పారిశ్రామిక రంగము, వ్యాపార రంగము మొదలగు ప్రభుత్వ పనులలో).
ప్రభుత్వ ఆస్తులను కాపాడడము.
గ్రామ గ్రామానికి ఉచిత భోజన శాలలను ఏర్పాటు చెయ్యడము, వాటి సక్రమ నిర్వహణను కనిపెడుతూ ఉండడము.
వ్యవసాయ వనరులను, (సారవంతమైన ప్రభుత్వ భూములలో కూడా వ్యవసాయమును అనుమతిస్తూ) అభివృద్ధి చెయ్యడము,
సామూహిక వ్యవసాయమును ప్రోత్సహించడము,
వ్యవసాయానికి కావాల్సిన వడ్డీ రహిత ఆర్ధిక వనరులను అవసరము వున్నవారికి అందరికి నిష్పక్షపాతముగా అందించడము, వ్యవసాయోత్పత్తుల ద్వారా రైతులకు లాభసాటి వసతులను గోదాముల ఏర్పాటు గావించి, వీలయితే కుటీర పరిశ్రమల ఏర్పాటు ద్వారా కలిపించడము,
ప్రభుత్వ పాఠశాలల, కళాశాలల పని తీరును గమనిస్తూ, వాటికి అవసరమైన భవనాల నిర్మాణము (సంక్షేమ సంఘాల ద్వారా), అభివృద్ధి చెందుతున్న ఆధునిక విద్యా విధానాల అమలు,
ప్రాథమిక ఆరోగ్య కేంద్రాల ఏర్పాటు, అవసరమున్నంత మంది సేవాభావమున్న వైద్యుల నియామకం, వారి సహాయకుల నియామకము, వైద్యుల యొక్క, రోగుల యొక్క రవాణాకు అవసరమైన వాహనములు, మందులను అందుబాటులో ఏర్పాటు చెయ్యడము (సంక్షేమ సంఘము వారి డిమాండ్ ని బట్టి) మీ ప్రతినిధియొక్క (MLA) బాధ్యత.
ఇవన్నీ పనులను పార్టీ ఏర్పరిచే గ్రామ, మండల సంక్షేమ సంఘాల ద్వారా అమలు చేసే బాధ్యత మీ ప్రతినిధిది.
ప్రజలు, తరువాతి కాలములో తమ ప్రతినిధి (MLA) అధికార దుర్వినియోగానికి గాని, అవినీతికి గాని, నిర్లక్ష్యానికి గాని పాలుపడుతున్నట్లుగా గ్రహించి పార్టీకి ఫిర్యాదు చేసినట్లయితే అతని అధికారాలను పక్క నియోజకవర్గ ప్రజాప్రతినిధికి గాని, అంగీకరించినట్లయితే మీ లోక్ సభ సభ్యుడికి గాని అప్పగించబడును.
ఓటరు మహాశయులు తలా పది రూపాయలు కూడబెట్టి తమ అభివ్రుద్ధిని సాధించుకునే అవకాశము కలిగించే పార్టీ బహుజన రాష్ట్ర సమితి
మహాత్మా ఫూలే మహాశయుని ఆదర్శాలతో స్ఫూర్తి పొందిన అంబేద్కర్ అన్నాడు, అణగారిన ప్రజల అంతిమ లక్ష్యం రాజ్యాధికారమే కావాలి
జై మహాత్మా జోతిరావ్ ఫూలే! జై బాబాసాహెబ్ భీంరావ్ అంబేద్కర్!!

విద్య లేక మతి (వివేకం) తగ్గింది; మతి లేక నీతి తగ్గింది

నీతి లేక పురోగతి తగ్గింది; పురోగతి లేక విత్తం (సంపద) తగ్గింది
విత్తం లేక శుద్రులు నాశనం అయ్యారు
ఇంత అనర్థమూ ఒక్క అవిద్య వల్లనే జరిగింది.

  • Jotibaa Phule in his Manuscript of “Shetkaryaacha Asood” (Cultivators Whip Cord)

Forget God!!! Think about Man!!!

  • Periyar E.V.Ramasamy